Fossiel oet Mestreech bliek aadste mederne vogel

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 19 mieërt 2020 - Inne aaj laoge vanne Pietersberg bie Mestreech hawwe ze veur twintjig jaor trögk 'ne sjeiel vónje van 'ne vogel. Dit 66,7 miljoen jaar aad fossiel bliek 'ne veureljer te zeen van hinne, aenj en geize. 't Is 't aadste fossiel van 'ne mederne vogel dae toet noe aan is gevónjen en wirp väöl nuuj leech oppe ieëste óntwikkeling van dees bieëster.

't Waas 't veurig jaor det oet 'ne CT-scan bleek det de saort nag ónbesjreve waas. Dees CT-scan waerde gedaon oppe universiteit van Cambridge. 't Weitesjappelik vaktiedsjrif Nature haet noe e stök oetgebrach euvere Asteriornis Maastrichtensis. 't Petit sjeielke is werreldnuuts volges de lokale paleontoloog van Mestreech.

Innen tied det 't veugelke róndjfladderdje zaag de werreld gans anges oet es noe. Wo noe Mestreech ligk waas toe de kus van 'n subtroeapische zieë. 't Veugelke waogdje 390 gram en haw gèn tenj, juus wie de veugel van noe. De meiste saortgenoeate woren aevel vèsaetendje veugel mit tenj. Ouch dees haet m'n inne Pietersberg inne zelvendje laog trögkvónje; me kan dees zeen es 'n saort vlegendje minidinosauriërs. Opmirkelik is det dees vèsaeters mit tenj de meteorietinslaag van 66 miljoen jaor trögk neet höbben euverlaef, meh de veugel sónger tenj, worónger 't Mestreechter veugelke, waas; dees kóste namelik hienao gedieje.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.