Febrik De Heus in Brach moog neet oetbreie

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 21 junie 2019 - De nuuj vergónning veur 't febrik De Heus in Brach, die waas verlieëndj dore pervinsje, veure perduksje van 't vieëvoor te vergruueten is dore richter in Remunj es óngeljig verklaordj. 't Febrik hej gaer willen oetbreie, meh det vindj vernoe dus geinen doorgank.

De rechszaak waas aangespanne wore door 'n klóch inweuners van Maasbrach, same mitte gemèndje Maasgoew. Dees kloge namelik euvere stankeuverlas waat 't febrik maakdje. Tródsdet 't bedrief in 2015 'ne reukaafvenger haet geplaats is nag ummer spraok van stankeuverlas. De richter vindj det de pervinsje bie 't oetsjrieve vanne vergónning neet tegooj daohaer haet gekeke.

Boetedet vindj de richter det de pervinsje de aafhanjeling vanne vergónning zelf onneet tegooj haet gedaon. Zoea haet me gekeke nao gegaeves vanne aaj vergónning die al twintjig jaor aad is. In dees vergónning haet 't febrik toestandj veur 380.000 tón aan vieëvoor te make, dewiel de nuuj vergónning det zów opsjäöle toet 750.000 tón.

De pervinsje kan nag ummer in beroop gaon taenge de oetspraok. Veur zolang blief de aaj vergónning van kraf. De inweuners van Brach höbbe zich ge-uutj det dees vergónning ouch mótte waere gehandjhaaf; de verantjwuuerdelikheid hieveur viltj trögk óngere pervinsje.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.