Facebookers ónvröndjeliker

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Gebroekers van de online-sociaal mediawebsite Facebook waeren eder jaor ónvröndjeliker. E jaorliks óngerzeuk van 't Amerikaans Pew Research Center wies oet det facebookers dökker óntvrönje, mieër óntspotte bie foto's en de privacyinstèllinge dökker verangere. Zoea bliek det 63 percent vanne gebroekers waal 'ns emes haet óntvröndj, dewiel det e jaor daoveur 56 percent woor. Bao 40 percent vanne Facebookers haet zichzelf waal 'ns óntspot, wo det ieës e dèrdje waar.

Volges 't óngerzeukscentrum vinje gebroekers van Facebook de site ömmer mieër 'n normaal vorm van communicaasje en waere ze dus actiever in 't behieëre van häör perfiel. Ouch zurg greujendje ónrös róndj privacy bie sociaal media veur mieër allertheid. Bao twieë oppe drie óngervräögdje steit 't profiel op privé (allein vrönj kinnen 't zeen), veure res is 't 20 percent veur gedeildjelik privé en 20 percent veur aopenbaar. Netuurlik mót me waal d'n invlood van tied neet verwaarloze bie zón óngerzeuk. Ederein haet noe lenger Facebook en dus is de kans grótter des s'n 'ns emes oet dien lies wils sjrappe.



Dit artikel besleit aad nuujs.