Fórs mieë baevers kepotgevare

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


'ne baever

MOFERT - 23 mieërt 2021 - De lèste waeke zeen väöl mieë baevers kepotgevaren in Midde-Limbörg es inne zelvendjen tied 't jaor daoveur. Dao wuuert gedach det 't zich mit naam hanjeltj euver jónkvolwasse baevers die 'nt zeuke zeen veur häören eige gróndj, meh det is nanneet zeker. De meiste aanvaringe woren in gemèndje mit väöl netuur, wie Wieërt, Leudaal, Maasgoew en Roerdale.

De aannaam det 't jónkvolwasse baevers zeen die aangevare waere kump van 't jaorgetieje. In 't veurjaor waere de bieëster aktiever. Naodet de jónge twieë jaor bie de eljers gezaeten höbbe gaon die eweg. Det gebeurt kort nao de wintjer. Wiejer grujtj de baeverbevölking in Limbörg hel, wodoor die ouch gaon veurkómmen op plaatse wo me die ieës neet verwachdje, wie in landjboewgróndj en in stej, wo mieë waeg zeen en dus de kans op 'n aanvaring grótter wuuert.

Deze gruj hèltj ouch verbandj mitte oetvlöch vanne jónkvolwasse baevers. Meis zeuke die róndj april of mei 'n nuuj plaats, meh dore bevölkingsdrök in Limbörg wuuert det ummertoe lestiger; de gesjikste plaatse zeen al bezatj. Doordet baevers häöre gróndj besprujje mit castoreum, waat hieël erg ruuk, blieve de jónkvolwassen eksemplare dao eweg, went die willen 'ne stried óntloupe. Boete de besprujdje gróndj kómme die dan oet op hieël vraem plaatse.

't Blief hie veur e good deil aevel bie 'n theorie, went meis zeen de baevers dore aanvaring ram toegetakeldj. Wen 't gebeet besjajig is kan me det nimmieë broeke veuren ajer te bestumme van 't bieës, wodoor me dus onneet wètj of 't zich hie hanjeltj euver jónkvolwasse baevers.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.