Explosievedeens bringk bóm toet ómploeffing

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 11 mei 2018 - Twellef weuninge wore óntruump gewore, 't sjeepvaartverkieër tösse Mestreech en Bor woort stilgelag en vleegmesjiender móchte tiejelik neet baoven 't gebied vlege. Sfriedigs smörges haet de ExplosievenOprumingsdeens Defensie (EOD) de gevónje bóm oeten Twieëdje Werreldkrieg in Ittere toet ómploeffing gebrach.

"V'r höbbe al d'raan gedaon de bóm veilig te laoten ómploeffe", leet de börgermeister van Maersje, Mirjam Clermonts-Arets, weite.

Halverwaeges april woort 't explosief gevónje langs 't Julianaknaal tiejes graafwirkzaamheje. Aangezeen de bóm neet kós waere verplaats, door 'n ónstabiel óntstaekingsmechanisme, leet de EOD deze zoea-geneumdje 500-pónjer sfriedigs smörges kónterleerdj ómploeffe.

Naeve de maotregel veur weuninge te óntrume waas op vriedig ouch e vaarverbód tösse Mestreech en Bor. Baove dit gebied móch tiejelik onneet waere gevlaoge. Ouch is speciaal veure ómploeffing e tiejelik sjiereilandj aangelag gewaore bie Ittere.

Luuj die inne ómgaeving wone móste binne blieve. Grazendje bieëster binnen 't gebied woorte tiejelik in 'n anger wei gezatj.



Dit artikel besleit aad nuujs en maak deil oet van oos arsjief van nuujsberichte.