Euvervaller verjaag oet frituur Kirkraoj mitte bessem

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 7 april 2021 - Dinsdigtenaovendj zeen beeldjer oetgegaeve van 'ne mislökdjen euverval op zaoterdig 5 dieëtsember in 'ne frituur in Kirkraoj. Dezen euverval haw plaats ane Abtelaan. d'n Euvervaller leep mit e biel inne handj 't gesjef in, went hae zaag geine staon. De haejers vanne zaak stóngen achter te poetse. 't Vrouwmis vannen eigenieër wól doe d'n euvervaller helpe, worop t'r mit zie waopen oppe vitrien heef.

d'n Euverveel sjrieëfdje det t'r geldj wól, meh de vrouw wól 'm det neet zoea mekkelik gaeve. Zie greep nao e spöller en smeet die richting d'n euvervaller. Ziene miens huuerdje de herrie worop t'r flot nao veur koom. Vanoete keuke koom d'r mitte bessem oppen euvervaller aaf. Dem woort 't get te zwaor worop t'r 't gesjef oet vlöchdje.

Nao de mislökking rón de verdachdje róndj 20:50 oere richting de Holzstraot. Nag ummer höbbe de pliessen 'm neet vónje. Hae wuuert ómsjreven es 'ne smale mit 'n lichgekluuerdje hoedskluuer en broenouge; dinkelik mót t'r nag semmelik jónk zeen. 't Biel waat t'r bie haw waas bie de steel bewirk mit dökteep.

Brónne[bewirk | brón bewèrke]



Dit artikel besleit aad nuujs.