Euverlas vleegverkieër Eisdje-Mergraote grótter door kóms Alibaba

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 14 november 2018 - Doordet Alibaba e groeat Europees distribuusjecentrum geit boewen in Luuk zal 't vleegverkieër veur 't vleegveldj Berleur (Bierset) wiejer toenumme, waat es e gevolg haet det de inweuners van Eisdje-Mergraote nammieë las gaon kriege vanne vlegers. Dieudonné Akkermans, de börgermeister van die gemèndje, wiltj denouch det D'n Haag geit ingriepe.

Me verwach det de groeate Sjinesen internetreus väöl vrachvlöchte broek. Op dit memènt al höbbe de inweuners van Eisdje-Mergraote te make mit väöl euverlas vanne nechtelike vlöchte. De inweuners veule zich hiebie achtergestaldj, went baove Mestreech-Aoke guldj e verbód op nachvlöchte, dewiel in Luuk al maag.

De börgermeister is al langer van meining det de Nederlandjs minister väöl mieër hej kónne doon en wiltj trögk nao 't val in 2013. Doe woort aafgemaak, veure veiligheid, det vlegers bestump veur Mestreech-Aoke kósten oetwieke nao Belsj en det vlegers nao Luuk euver Nederlandj kónne vlege. Hiebie zag me det 't euver oetzunjeringe gaon, meh de praktiek van allewiel lieërtj det alnachs te väöl vleegverkieër baoven Eisdje vluug sónger oetlag euvere noeadzaak daovan. De gemèndje is al e paar jaor 'nt kalle mit D'n Haag dao-euver, meh det haet nag gei rizzeltaot brach.

Brónne[bewirk | brón bewèrke]



Dit artikel besleit aad nuujs.