Euverbliefsele middelieëfse bórderie vónjen in Wieërt

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 10 julie 2019 - Amsterdammer archeologen höbben in Wieërt ane Sint-Sebastiaanskepèlstraot de euverbliefsele van 'n bórderie oeten twellefdjen ieëf vónjen en opgegrave. Veur drie waeke trögk begóste zie mit häör wirkzaamheje; noe d'n daag höbbe zie al driekwaart hektaar bloeatgelag. 't Óngerzeuk haet plaats in verbandj mitte oetbreijing van 't industrietrein Kampershook 2.0.

De archeologe zègke det de bórderie die zie höbbe vónjen eine vanne grótste Zuud-Nederlandjse häöf waas oet daen tied mit 'n gruuedje van 28 bie 13 maeter waat betröf de veurhaof. Me dink det de gevónje bórderie waal 'ns de veurgenger vanne Plucksackhaof kan zeen. Det dink me dore brei grach van 16 maeter oete zèstieëndjen ieëf die aanguuef det d'n haof ouch 'n milletaer fónksje haw. De Plucksackhaof same mitte gróndj d'rómhaer waas namelik 'n eigendóm vanne Hieëre van Häör.

De grach waat me haet vónje wuuert veuraafgegange door 'n grach oeten twellefdjen of d'n dertieëndjen ieëf. Dees grach ómsloot e stök landj mit groeate houtere boeweselen en 'ne waterpöt.

De Plucksackhaof haw ouch 'n grach, dees woort róndj 1910 gedemp; de litste bórderie van dezen haof burdje in 1980 aaf. Allewiel ligke de euverbliefsele vanne Plucksackhaof óngere gróndj ónger 'n groeate loeads. Ouch dao wiltj me-n opgravinge gaon haje.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.