Eike landjgood Genp sterve dore stikstóf

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 16 april 2020 - In 't landjgood Zelderse Drese kriege de eike voor biegespaote door 't Staotsbósbehieër, went 't geit slech mitte buim; 't hanjeltj hie óm speciaal kalkkörrelkes die de stikstófvervoeling mótte taengegaon en zoea de sturfdje van nammieër eike mót verkómme.

De bós is hieël toebegrujdj door eike. Noe wuuert dao kalk in fien korrelvörmkes, geneump dolokal, gespaote, waat veudzaam is veure buim en ouch de zoerdjegraod vanne baom verlieëg. De bós is rilletief klein en ligk in 'ne kómb tösse de Duutsje grens en 't reveerke de Niers. Oeatj waas dit landjgood aedellik bezit.

De kalkkörrelkes denen es bemèsting. Det is intersant, went normaal duit Staotsbósbehieër neet ingriepen enne netuur laote veur 't eige werk. Noe wuuert feitelik aan landjboew gedaon; de baom wuuert bewirk veure bós te redde. Dit is e kosbaar percès, wo nieks aan te verdenen is. Of de effekte gónstig zeen zuutj me pas euver 'n aantal jaor. Ouch de Stifting Limbörgs Landjsjap gebroek d'n aanpak van Staotsbósbehieër taenge de stikstóf.

't Perbleem waat me hie bestriedj is det 'n te hoeag kóncentraasje stikstóf 'n rits percèssen in gang zitj die veure toette lansamen doead van väöl eike. De buim verzoere, verdruuege, vergiftige zich en hóngeren oet. Det perbeert me noe te verkómme.

Brónne[bewirk | brón bewèrke]



Dit artikel besleit aad nuujs.