Ee joar corona: Kirchroa hels jetroffe in Limburg
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Kirchroa, d'r 28e fibberwaar 2021, jebasiered óp 't aatsal iwoeënere, hat 't coronavirus 't verjangene joar i Kirchroa de mieëtste sjlachoffere jemaat. I j'n jemingde jonge 91 lüj doeëd, wat neerkunt óp tswai sjlachoffere per 1000 iwoeënere.
Doamit hat 't virus i Kirchroa noen heller tsoejesjlare es i Pieël en Maas (74 sjlachoffers, 1,7 lüj per 1000 iwoeënere), Broensem (45 sjlachoffere, 1,6/1000) en Eesjde-Mergroate (42 sjlachoffere, 1,6/1000). Dat zunt de daten die 't RIVM 't verjangene joar beiheel, noadat op d'r 27e fibberwaar 2020 de ieësjte coronabesjmetting in Nederland woeëd vesjtjesjteld bei 'ne man oet 't Brabantisje Loon op Zoon, jet nördlisj van Tilburg.
Vuur wat betrift 't aatsal besjmettinge, zoeë zunt Noord- en Midde-Limburg de verjangene tswelf moande 't helst jetroffe. In Nederwieëht en Venroa raakde 't RIVM tsevolge ónjeveer 1 procent van de bevölkeroeng besjmet. 't Èsjte aatsal lüh dat corona oplofet liesjt nog huëher, want nit jieëkerinne woeëd jetest. Noord- en Midde-Limburg woeëte vuur allem waerend d'r ieësjte coronajolf hel jetroffe.
Absoluut jezieë tselde Mesjtreech 't jruëtste aatsal sjlachoffere, mit 184 iwoeënere die aan de jevolge van corona sjtorve. Doanoa koame Venlo (137 sjlachoffere, Zitterd-Jeleën (117) en Heële (116). Inmiddels zunt zikker 1427 iwoeënere va Limburg jesjtorve aan de jevolge van corona.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.