Duutsj dreig oete sjoeale te verzwinje door lieërertekort

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Spraokgeografische kaart euver 't Duutsj spraokgebied.

MOFERT - 1 fibberwarie 2019 - Door e tekort aan lieërers dreig 't sjoealvak Duutsj lankzemaan te verzwinje; väöl sjoeale höbben 't vak al aafgesjaf en veur anger dreig det te passere. De Remunjse politica Karin Straus (VVD) vindj det 'ne zörgwekkendje zaak, veural aangezeen in Limbörg, 'n grenspervinsje, juus vraog is nao luuj die good dees spraok behieërsje.

Lieërlinge die staasj doon loupe waere döks dore staasjbedriever gevraog of die ouch good Duutsj kónne kalle. In Mestreech en ómstreke wuuertj onna gevraog veur behieërsjing van 't Frans. Op 't vmbo völg lenjelik meh 3 percent vanne lieërlinge Duutsj; sjoealbesture kónne zelf bestummen of zie 't vak gaeve. Väöl middelbaar sjoeale vörchte det door 't lieërertekort 't vak nimmieë te gaeven is.

De sjrienendje situaasje in 't óngerrich wuuertj al veur 'nen langen tied betrèkkelik stil gehaje. Maotsjappelik gezeen zów me hie-euver mótte kalle, vindj Straus, meh det beurtj neet. Dit kump veural door 't feit det de spraok ummertoe minder inne belankstèlling steit in 't daacheliks laeven en duchtig wuuertj verdrónge door 't Ingels. Ieëre waas det angesóm: toe waas juus 't Duutsj wichtig, went bao edereinen in Limbörg keek nao d'n Duutsjen tillevies.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.