Druuegdje zörg veur groeate aafstörfdje bie buim
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 20 julie 2019 - Ummertoe mieë buim en struuk gaon kepót in Limbörg dore aanhajendje druuegdje. Mit naam de kónnefere, sparrebuim, birken enne eiken óngervinje väöl las vanne gróndjwaterstandj. Nao twieë druueg jaor achterein is dae zoea lieëg det de wreut vanne plantje nimmieër aan 't water kónne. Gewuuenelik zówwe noe de boumverzörgers mótte sneuje, meh de vraog veur kepótte buim oet te doon is noe väöl grótter. De druuegdje van 't veurgäöndje jaor haet väöl buim verzwaak, wodoor die noe mekkelik kónne waeren aangevalle door sjummel, bakteerje en alderhenj aan insekte.
De buim die 't zwaorste waere getroffe zeen de sparrebuim die verzwaak de wintjer höbbe doorgekómme. Dees twieëdje druuegdjeperiood wuuertj veur häör te zwaor. Sjorskaevers make klein gäötjes ane boetekantj vanne buim wonao de lerf de boum van binnenoet kepótvraete. De sjaaj oppe zandjgróndj, wie in Midden- en Naord-Limbörg is daodoor hieël groeat.
De aafstörfdje is aevel blievendj. Zelfs wen nag zat water vèltj gaon nag väöl buim kepót. De wreut kómme namelik nag ummer neet bie 't leger gróndjwater wodoor de verzwaakdje buim oetèntjelik nag ummer kepót gaon. Dore klimaatverangering gaon nammieë buim kepót, veural de naoljbuim, mer ouch kónnefereren en birke mit óndepe wreut. 't Ganse ecosysteem geit dus oppe sjöp, wobie anger plantjen en dus ouch anger bieëster 't hie gaon euvernumme.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.