Dringend advies: draag mónkmaske óp Dreejlengek

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Óp d'r Dreejlengek

Vols - d'r 30e juli 2020, óp d'r dreejlengek jildt vanaaf huuj 't dringende advies vuur uvveral 'n mónkmaske te drage. De jemingde Vols en de jemingdes in Dütsjland en óp 't Belsj dringe doa-óp aa, umdat 't ja drökker is wie oeëts óp 't huuëgste peunt van Nederland.

"V'r merke uvverduudliesj dat vöal mieë lüj vuur 'n vakans in eije lank keze", zeët d'r Jean-Paul Kompier. Hae is horeca-óngernummer óp d'r Dreejlengek, evvel óch wèthawwer van de jemingde. "'t Is heej alzoeë drökker wie oeëts, dat is fieng, evvel v'r maache ós ooch zörje."

Volges d'r Kompier zeunt de lüj nit zoeë besjèftiesjt mit aafsjtank houwe en drage zie jing maske, weërend dat óp 't Belsj en in Dütsjlank verpliesjt es. "En heej sjtees se vuur des te 't weest in ee van de tswei leng." Hae is vroeë mit d'r extra umzet, evvel ooch bezörsjd uvver de drukde en de meujeliesje jrui van 't aa-tsal besjmettinge. "'ne Tsweide lockdown zouw funest zieë vuur jans vöal óngernummesj", zeët e. "V'r musse ja alles doa vuur tse vuurkómme dat 't wier sjief jeet. Dat kanne v'r ós janit permittere."

De jemingde Vols en de noaberjemingdes hant noe de heng ineejesjlare vuur i jèdder jeval óp d'r Dreejlengek tot ing duudliesj beleid tse kómme. "'t Is ja ooch lèstiesj vuur tse volge wat me waal en nit maag in dreej versjillende leng", zeët d'r Kompier. "Doavuur hant v'r noe e sjild jeplaatst woeë-óp v'r noe ós jeste vrundliesj doch dringend vrage 'n maske te drage. Dan bis se ooch aaf van de ónduudliesjheed."

Doamit lupt de jemingde Vols vuuroes óp al rejionaal en lokaal experimente mit 't verpliesjt drage van 'n maske. Óp d'r jónsdig koam noa boese dat derjeliesje experimente tso de meujliesjheed behure, vuur tse zörje dat lüj angerhaove meter aafsjtank houwe.

Brónne[bewirk | brón bewèrke]



Dit artikel besleit aad nuujs.