Drielenjertrein blief veurluipig twieëlenjertrein

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 29 oktoeaber 2018 - d'n Drielenjertrein Aoke-Mestreech-Luuk zal op 't vreugste pas inne midde van 2019 doorvare nao Luuk. 't Perbleem ligk zich bieje regelgaeving en óngerling aafstumming mit Belsj. De nuuj deensregeling die op 9 dieëtsember in mót gaon veurtj dus allein tössen Aoken en Mestreech; hiedoor blief t'r veur noe dus 'nen twieëlenjertrein.

In Belsj vare noe waal tesritte, mer 't laote vare vannen echten trein blief e perbleem. Det kump doordet noe op 't Welsj spaor nag geine commerciële verveurder geit. De vakbunj höbbe dao väöl meudje mit, móch det gaon beure. Hiedoor is 't wichtig det de gemèndje Luuk zich helmaak veur 't kómme vannen trein.

Arriva, waat d'n trein mót oetbate, is zelf optimistisch euvere kóms vannen trein. Zoea höbbe zie speciaal treins aangesjaf die zowaal op 't Duutsj, 't Nederlandjs es 't Belsj spaor kónne vare.

Toette midde van 2019 blief de Belsj spaorwaegmaotsjappie NMBS d'n hujige lien tösse Mestreech en Luuk oetbate.

Brónne[bewirk | brón bewèrke]



Dit artikel besleit aad nuujs.