Drie kempkwieëkerie vónjen in Roerdale
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 27 april 2022 - Dinsdigtemorgen höbbe de pliessen in drie versjeie weuningen inne gemèndje Roerdale kempkwieëkerieje vónje. M'n haet twieë luuj daoveur aangehaje. De betroffe panjer ligken allemaol middeninne woonwiek. Óm gansen haet me zèshóngerd kempplantje vónje.
De pliesse vónjen ieës ane Houfstraot in Hirkebós e pandj mit hóngerdvief plantje. Op die plaats woorten ouch de twieë verdachdje aangehaje. Wiejer vónj me nan anger kwieëkerie in Hirkebós; det waas ane Van der Rennewaeg en dao stónge neugetig plantje. De meiste plantje vónj m'n aevel in 'n hoes ane Bergerwaeg in Vloearep; dao stónge viefhóngerd plantje.
In ein vanne weuninge waas d'n toestandj gevieërlik, óm m'n haw ónwètmieësig stroum aafgetap. Me geit noe kieken of me de drie weuninge tiejelik kan sloete. Kempplantaazjes trèkken ouch anger krimineel aktiviteiten aan; boetedet bringe die reskaasjes veure veiligheid vanne ómwonendje. Me kan dan dinken aan brandj en watereuverlas. Alle plantjen en 't matterjaal veur die te kwieëken haet m'n in beslaag genómmen en zal verinneweerd waere.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.