Drie doeje door bacterie in vleisjware

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Dit artikel sjteit gesjreve in 't AGL

Drie luuj zeen euverleje door de listeriabesjmetting in vleisjware van producent Offerman. 'n Vrouw haet 'ne misval d'raan euvergehaje, meldt 't "Rijksinstituut voor Volksgezondheid en Milieu" (RIVM).

In totaal twintig luuj raakde de aafgeloupe twie jaore besjmet mèt de bacterie via de vleisjware. 't RIVM en de "Nederlandse Voedsel- en Warenautoriteit" (NVWA) sjpoorde same de brón vanne besjmetting op. 't RIVM zoog e bepaald type listeria veurkómme bie mierder patiënte. 't RIVM noom daorop contak op mèt de NVWA óm dit te vergelieke mèt DNA-gegaeves oet hun aetes- en bedriefsbemonstering. Dit kwaam bie ein monster euverein, waonao de NVWA wiejer óngerzeuk deeg. "Op dit moment is zoe good wie zikker det de brón hiemèt gevónge gewaore is", aldusse 't RIVM.

De toegepasde techniek kin saer kórt weure ingezat, zag 't instituut. "Zónger dees techniek waor 't neet meugelik gewaes óm dees brón mèt de patiënte in verbandj te brènge."

Jumbo reep dónderdigaovend mier es 130 versjillende saorte vleisjware truuk ómdet ze meugelik zeen besjmet mèt de listeriabacterie. De besjmette vleisjware ligge ouch in de sjappe bie Aldi, Bidfood, Sligro en Versunie.

't Geit óm veurverpakde vleisjware die kómme oete febriek van Offerman in Aalsmeer en van daoroet euver supermerte in 't ganse landj zeen versjpreid gewaore. Ouch Aldi haet noe 'n aantal producte truukgerope. Hie geit 't aevel mer óm drie of veer saorte vleisjware. "Vleisjware die nog inne sjappe ligke, zeen veilig te consumere", aldusse Aldi in 'n verklaoring.

De leverancier haet de supermerte en groethandels aafgeloupe dónderdig laote weite det de bacterie meugelik in 't vleis is terechgekómme. Die höbbe gein risico genómme en rope óm die reje hun producte truuk. 't Is neet zikker of de truukroopaksie veur laeg sjappe geit zörge. Jumbo zag te houpe det 't ganse assortiment sjnel weer besjikbaar is.

Die lies bevat väöl veurverpak vleis wie hoonderfielee, sjènk, grillwórs en sjpek. De meiste producte höbbe 'nen haadbaarheidsdatum toet halverwege of eindj oktober.

De listeriabacteire kin voodselinfeksie veroerzake. De kans op besjmetting is volges 't "Voedingscentrum" klein, mer de gevolge kinne veural veur risicogróppe wie baby's, zjwanger vrouwluuj, ajere en luuj mèt e verzjwak aafweersysteem ernstig zeen.

Wae de bacterie in 't lief krieg, kin bloodvergiftiging, herrevleesóntsjteking en infecties ane hoed en uig kriege. Zjwanger vrouwluuj höbbe kan op 'ne misval. Jaorliks zeen in Nederlandj óngevier 70 toet 100 gevalle van listeriabesjmetting bekind, weit 't "Voedingscentrum".

Klante van Jumbo en Aldi die de vleisjware truukbrènge nao de winkel kriege hun geld truuk. 'n Aankoupbon is neet nuuedig.

Brónne[bewirk | brón bewèrke]




Dit artikel besleit nuujs det zich recèntjelik haet aafgespeeldj.