Drie doeje bie woeningbrandj in Duiven

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Dit artikel sjteit gesjreve in 't AGL.

24 jannewarie - Bie 'ne woeningbrandj in 't Gelderse Duiven zien vriedigmörge drie luuj óm 't laeve gekómme. Dae middig gove d'n börgemeister van 't sjtedje en de politie persconferentie, wao ze höbbe gezag det 't waorsjienlik geit óm 'ne manskaerel en twie vrouwmense.

De drie sjlachoffers weure nog geïdentificeerd en ouch weurt 't óngerzeuk nao de oerzaak van de brandj veurtgezat.

Róndj 08.00 oer woort alarm gesjlage bie 't hoes, naodet 'ne veurbiegenger de brandj had opgemerk. De naobers van det hoes höbbe nog geprobeerd de bewoeners te wekke. Ómsjtäönders melde det de brandjwaer róndj 08.30 emes oete woening haet gehaold en det nog weurt gezoch nao anger persoene die meugelik inne woening waore.

De politie meldde binne e haaf oer d'n doed van de ierste twie sjlachoffers. Óm 10.00 oer woort 't derde sjlachoffer gevónge. Volges eine vanne naobers woent in 't hoes 'n echpaar. De politie kin aevel nog neets zègke euvere identiteit vanne sjlachoffers.


Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.