Dreej ónderkeulde Afrikane oet trein gehaold op stasie Venlo

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Venlo - 9 december 2019, op stasie Venlo is maondaagmorge 'ne persoeën neet tegooj gewaore in 'nen trein. In totaal hadde dreej minse las van ónderkeulingsverschiensele.

Volges 'ne waordveurder van de brandwaer geit 't um dreej minse oet 't Afrikaanse land Tanzania. Eine van eur zoel in Eindhove door nog ónbekinde raeje in 't water zien beland. De twieë ander hadde 'm oet 't water gehaold. Vervolges stapde zeej mit nate kleiding in d'n trein nao Venlo. Dao is eine van d'n dreej neet tegooj gewaore.

Umdet de oeërzaak daovan aeve neet dudelik waor, hele de hölpdeenste raekening mit de aanwezigheid van 'n gevierlike stóf. Det bleek nao maeting door de brandwaer neet zoeë te zien.

De dreej ónderkeulde persoeëne zien mit de krankewagel nao 't krankehoes gebrach. D'n trein heel volges ProRail ein spoor bezat, waodoor vertraging óntstónd veur 't euverige treinverkier.

Brónne[bewirk | brón bewèrke]



Dit artikel besleit aad nuujs.