Donald Trump wilt Greunlandj koupe

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Vaan van Greunlandj
Dit artikel sjteit gesjreve in 't AGL.

D'n Amerikaanse presidentj Donald Trump haet serieus interesse óm Greunlandj te koupe mit de VS. Det sjrief de Wall Street Journal. 't Ieskaad sjtökske aerd vèlt noe ónder Daenemarke. De baojem van Greunlandj zit vol mit kosbaar materiale en aerdolie.

De gezèt sjrief det Trump al adviseurs haet gevraog óm de meugelikhede te ónderzeuke óm Greunlandj euver te numme vanne Daene. Greunlandj, 't groetste eilandj vanne waereld, is 'n autonoom regio die ónder Daenemarke vèlt. Geografisch is 't ónderdeil van Naord-Amerika.

Volgende maond geit Trump op bezeuk in Daenemarke, mer Greunlandj sjteit nog neet oppe agenda. De presidentj kwam op 't idee wie hae bie e diner huurde det Daenemarke eder jaor väöl geld kwiet is aan Greunlandj.

Greunlandj zit aevel neet te wachte oppe verkoup, zoe luuet de minister van Boetelandse Zake weite. Hae sjteit waal aope veur business. Op Greunlandj woene 56.000 luuj. Ouch guuef 't dao 'n groete Amerikaanse militair legerbasis.

Ouch Sjina haet ikkenomische interesse in Greunlandj. De Sjineze probeerde dao drie vleegveljer te boewe, mer det wiste de Amerikanen mit succes taege te haje. Mike Pompeo, d'n Amerikaanse minister van Boetelandse Zake, zag in mei det hae zich zörg maak óm boetelandjse activiteite op Greunlandj. Hae meinde daomit ouch Sjina.



Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.