Doezjendj jaor aje boeat vónje bie Beech
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 25 julie 2021 - In Beech haet me bie de Koewei inne Grensmaas reste vónje van 'n aad sjeep. De vónjs dieëj m'n al ieëre dit jaor, mer is noe pas nao boete gebrach door 't Consortium Grensmaas. Dinkelik hanjeltj 't zich óm 'ne reveernaak oeten tied tösse de èllefdje enne dertieëndje ieëw, det 't 'n hieël biezunjer vónjs maak. Saortgelieke sjeper haet me toet nag toe allein gedaon in Deventer en in Vleuten.
De gesjiechtelike sjeepsreste vónj me wie me de zoea-geheite Banaan óntgrindj haet; dit stök gróndj ligk bie de Koewei in Beech. Sieëren aanvank vanne wirkzaamhejen inne Grensmaas in 2008 is dit de ieëste dergelike vónjs die me gedaon haet. De naak mót nag get persiezer dateerd waere. Dae haet 'n lingdje van vieftieën toet achtieën maeter. Ómme gansen haet me viefendertig houtere reste vanne baom, de baord enne ziejkantj van 't sjeep vónjen inne baom vanne reveer. Dao loge die op 'n deepdje van zoea vieftieën maeter.
Inne ómgaeving van 't sjeep laag onnag e hèlbaardbiel oete èllefdje of de twellefdje ieëw. Meugelikerwies is det ouch aafkumstig van 't sjeep, juus wie e deil melgerblök die m'n ouch kortbie 't sjeep vónjen haet. Deze melger kump vanne Sint-Pietersberg bie Mestreech. Wiejer laag nag e deil vèsnètte bie de boeat.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.