Doejetal doejelikste sjeetpartie in Canada allertieje löp op nao 23

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Dit artikel sjteit gesjreve in 't AGL.

't Doejetal es gevolg vanne sjeetpartie in Canada aafgeloupe weekend is opgeloupe nao 23, maakde de pelissie dinsdig bekindj. 't Is de doejelikste sjeetpartie inne gesjiedenis van 't landj. De pelissie zag det ze neet kós oetsjlete det 't sjlachofferaantal nog wiejer zal sjtiege. Zoe weure inkel aafgebrande hoezer in sjtaej die de sjötter aandeeg nog óngerzoch.

Inne nach van zaoterdig op zóndig äöpende 'ne sjötter, 'ne 51-jäörige manskaerel, 't vuur inne sjtad Portapique. Daonao volgde 'n klopjach die zeker twelf oer doerde. De sjötter, dae gekleid waor in e pelissie-uniform en zienen auto op 'ne pelissiewagel leet lieke, maakde op mierder plaatse inne pervincie Nova Scotia sjlachoffers. Ónger de gehiemelde is 'n pelissieagente. De klopjach eindigde mèt d'n doed vanne sjötter zelf, naodet hae woort deneergesjaote dore Canadese pelissie. De percieze doedsoerzaak vanne manskaerel weurt nog óngerzoch.

Premier Justin Trudeau sjpraok maondig nog van achteen doeje. Daomèt waor de sjeetpartie doe al de doejelikste allertieje inne gesjiedenis van Canada.

Euver 't motief vannen dader is nog weinig bekindj. De sjlachoffers vanne manskaerel woorte waarsjienlik willekeurig gekaoze. Waal meldde de Canadese pelissie neet oet te gaon van e terroristisch motief.

Brónne[bewirk | brón bewèrke]



Dit artikel besleit aad nuujs.