Doejetal Sjpanje sjtieg opnuuj flotter
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
Sjpanje meldt opnuuj 'n hoeger aantal dagelikse sjtörfgevalle door 't nuuj coronavirus. 't Officieel doejetal is goonsdig toegenómme mèt 244 sjtörfgevalle.
Daonaeve meldde 't ministerie van Volksgezóndjheid in Madrid 996 nuuj besjmettingsgevalle. 't Totaal Sjpaans doejetal kump op 25.857 en is daomèt weer get flotter gesjtege. Dinsdig woorte noh 185 nuuj sjtörfgevalle gemeld, get mier es de aantalle inne daag daoveur.
't Totaal aantal besjmettinge sjteit noe op 220.325. De sjtieging van det aantal noom waal aaf. Madrid meldde dinsdig nog 1318 nuuj besjmettingsgevalle.
Sjpanje versoepelt saer inkel weke bietje bie bietje de lockdown-maotregele. Zoelank Sjpanjaarde e móndjkepke drage, mage zie weer mèt 't aopebaar verveur reize. Bie cafés en restaurants kènne luuj saer maondig besjtelle en aafhaole. Saer zaoterdig mage de Sjpanjaarde weer nao boete óm te fiets, hardloupe of 'n anger sjport te beoefene.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.