Doeëde militeer in Broensem twieë moande ieëder gewóndj gevónge in Sjilvend
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Broensem - D'r man deë zoaterdigmiddig doeëd woeërd aangetroffe in e perksjke in Broensem bliek deëzelfde persoeën te zieë deë inj meëts woeërd gevónge in Sjilvend. 't Geet um 'ne 50-jöarige militeer, deë óngerdeel oetmaakde van de Sjlowaakse delegatie op 't NAVO-hoofkerteer JFC in Broensem. De marachaussee deet óngerzeuk noa de doeëdsoerzaak.
Vuurbiegengesj vónge d'r militeer op d'r 26e meëts bie 't sjportpark Burgemeester Adam. Heë woar gewóndj aan d'r kop, óngerkeuld en neet aansjpreëkbaar. D'r man woeërd dan noa 't krankehoes gebrach. De marechaussee sjloot neet oet dat sjprake zouw kanne zieë van e geweldsdelik.
'n Week later koam JFC mit 't besjeed dat oet verhuur van d'r militeer woar geblieëke dat d'r man vöal houw gedrónke en doadoeër ten val woar gekómme en bewusteloos woar geraak. Volges 'n woardveurder van de marachaussee woeërd d'r man op transport noa Sjlowakieë gezat. 't Sjlachoffer zouw doa wiejer hersjtille van zieng verwónjinge.
Wie d'r man in sjtaat woar vuur zieng wirk te hervatte, woeërd heë weer bie JFC gesjtasioneerd. Aafgelope zoaterdig woeërd heë doeëd gevónge in e perksjke aan de Iepesjtroat.
De marechaussee bevestig dat de zaak hieël óngewuën is, mar wilt wiejer nog ging oetsjproake doa zoeëlank d'r man zinne doeëdsoerzaak nog neet is vasgesjtild gewoare. De noabesjtaande van 't sjlachoffer is Sjlowakieë zint op de huëgde gesjtild. D'r commandant van JFC, Jörg Vollmer, hat inmiddels zieng medeleëve betuug.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.