Distributiecentrum Amazon in Heële: 170 vakkatures
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Heële, d'r 10e meëts 2021 - D'r Amerikanisje webwinkel Amazon bouwt e distributiecentrum óp 't grensuëversjriedend industrieterrein Avantis bei Heële. 't Distributiecentrum richt zich gans óp d'r Dütsje maat, mar óch lüj oet Nederland weëde geworve. In 't centrum kunt plaatsj vuur 170 wirknummesj, evvel rónk Krismes en bei drukde kan dat durch oetzendkrafte gruie noa rónk 300 wirknummesj.
D'r bouw van 't distributiecentrum mit 'n óppervlakde van 9000 veerkante meter is inmiddels begós en öapent dizze herfs. D'r wethouwer Martin de Beer van Heële numde de vestiging van Amazon "'ne wichtige sjrit in 't creëre van nui wirkgeleëgeheed" en "ikkenomisch van belank vuur de ganse Euregio".
Boete de ege wirknummesj hat 't bedrief nog ins 350 chauffeurs van extern bedrieve nuëdig vuur alle peksjkes noa de klante te bringe. Gikkere daag kanne doa maximaal zo'n 300 buskes vanaaf 't terrein van 66.000 veerkante meter noa de klante vare.
't Nui distributiecentrum lieëvert oetsjletend aan 't grensgebeed van Dütsjlank mit 'ne radius van vieftig kilometer rónk Oake en neet noa Nederland. Amazon hat seër inkel joare óch 'n Hollendsje versie va zinne webshop, evvel nog ging ege vestiging. In d'r juli kunt bei Sjiphol e bezorgcentrum.
't In 1994 durch d'r Jeff Bezos opgerichte e-commercebedrief bereikde vurrig joar weltwied 'ne umzet van bauw 400 miljard dollar. Amazon hat vestiginge in 't Vereinig Kuëninkriek, Canada, Frankriek, Pruses, Italië, Uësteriek, Japan en Sjina.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.