Deskundige: 'Jos Brech liejt aa pedofilie'
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Heële - Oet 't rapport van 't Pieter Baan Centrum bliek dat Jos Brech (65) liejt aa pedofilie.
D'r maan oet Zumpelveld weëd verdach van 't misbroeke en vermoorde va Nicky Verstappen in augus 1998.
D'r advocaat van Brech, Gerald Roethof, zag goonsdigmörge nog dat ziene cliënt doeëdnormaal zouw zieng. De justiets is doava neet uëvertuug: "Oet 't rapport zouw kinne blieke dat 't geet um 'ne doeëdnormale manskeël, mar op basis oeëvan is dit rapport gemaak? 'n Aantal achterneëve woeëde gehoeëd, mar hant 'm aaf en touw gezieë. Doaneëve guëf 't 'ne verdachte deë nieks zeët. Dat heesj dat wat oet 't óngerzeuk is gekoame, óch d'rin is gesjtop. En dat is wieënig."
Ieëder goof Brech óch ging touwsjtumming aa justiets um rapporte uëver 'n ieëder zedezaak, in de tachetiger joare, in te zieë. Roethof brach e rapport va forensisch arts Rob Bilo noa vure, oeë-in sjteet dat misbroek neet beweëze kin weëde. Volges d'r offeseer kin d'r rechter d'r neet umhin dat óp de kleier en 't lief dna-sjpoare zint gevónge. "Me kin neet um dna hin, graad wie me neet um 't feit hin kin dat dit 'ne verdachte is mit e verleie óp 't gebeed va pedofilie."
Goonsdigmiddig koam 'n ing aan de drieëde publiekelige zitting in 't proces. D'r rechter besjloot dat alle partieje óp d'r 27e augus rónk tieën oer noa de Broensemerhei gónt. Zie zulle ónger mieë kieke noa de plaatsj, oeë d'r elfjöarige jóng is gevónge.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.