DSM krieg 1,4 miljard bie verkoup supervezel

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 20 april 2022 - De verkoup vanne perduksje vanne Dyneema-supervezel levert DSM e bedraag van 1,4 miljard op. De vezel is verkoch aan 't Amerikaans bedrief Avient. De verkoup hèltj verbandj mitten aafstoeat van 't matterjaalóngerdeil van 't bedrief. DSM wiltj zich wiejer gaon richten op aeteswaar veur luuj en bieëster.

De verkochdje plestiekvezel is oetzunjerlik sterk en wuuert ónger anger toegepas in kogelvriej vesten en fietsjerennerskleiaasj. De vezel wuuert sieër 1990 gemaak in febriekken in Nederlandj en Amerika. d'n Ómzats vanne vezele de jaor kaam aan op zoea 335 miljoen oete bao 2 miljard euro van 't gans matterjaalóngerdeil van DSM. De wins kaam op zoeaget 105 miljoen de jaor. Mitten aaftrèk van alle gemaakdje köste vanne verkoup zal DSM zoea 1,3 miljard aan wins euverhajen oppen aafstoeat. Dees nótse kómme dinkelik terech bie de gruj van 't aeteswaaróngerdeil, inne vorm van euvernamen en investeringe.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.