Däöjer opgepak nao doeajelik sjeetincidènt vmbo-sjoeal Rotterdam
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 19 dieëtsember 2018 - Gistermiddig is óm 13:00 oere 'n zèstieënjäörige sjuuelerin doeadgesjaote bie 'n vmbo-sjoeal in Rotterdam-Wès. 't Veurval haet passeerdj anen achterkantj van 't Designcollege, wo zich 'n fietsjestalling in 't pandj bevindj.
d'n Däöjer is 'nen einendertigjäörige manskaerel oet Rotterdam, Bekir E. Me zaet det hae de veurige vrundj van 't maedjen is, meh det zów gaar gei kóntak mieë wille mit dem. Getuge zègke det hae zoea ach sjeut haet aafgetróch veurdet t'r nao 'ne korten tied is opgepak woren ane Bergselaan, veur e paar kilomaeter wiejer. Bekir E. zów zichzelf mitten tillefoean höbben aangegaeve bieje pliesse toe d'r biejen aanhajing zie waope nag biedroog; ane wage haw d'r veuraan get sjaaj.
Mitwirkers van Slachofferhölp Nederlandj höbbe de femielje van 't maedjen esouch de getuge van 't sjeetincidènt − worónger sjuuelers en lieërers vanne sjoeal − opgevange veur mentale biestandj. De luuj die nag inne sjoeal zote móchten 't geboew veur e paar oer lang neet oetkómme.
Inne zelvendje straot es wo de sjoeal ligk woort in 2015 ouch al einen ómgelag bie e vuurgevech mit mitrailläörs.
Brónne[bewirk | brón bewèrke]
- Dit artikel is gooddeils gegrundj op dan euvergezatj vanoeten taengenhenger oppe Nederlandjse Wikinuujs (versielink).
- Verdachte schietincident Rotterdamse school is eerder veroordeeld. NOS Nieuws, 18 dieëtsember 2018
- Meisje (16) doodgeschoten in fietsenstalling Rotterdamse school. NOS Nieuws, 18 dieëtsember 2018
- Meisje (16) doodgeschoten op Designcollege in Rotterdam-West: verdachte (31) aangehouden. Algemeen Dagblad, 18 dieëtsember 2018
Dit artikel besleit aad nuujs en maak deil oet van oos arsjief van nuujsberichte.