D'n Aje Limbörger wuuert e jaor oetgestèldj
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 28 mieërt 2020 - d'n Aje Limbörger (OLS) wuuert e gans jaor oetgestèldj veur 't coronavirus. 't Zów in julie plaatshöbben in Meijel, meh geit noe nao 2021. Dit besloet is gemaak gewore dore OLS Fidderaasje enne gemèndje Pieël en Maas ndaodet 't kabbenèt haw beslaote det alle treffe toet 1 junie verbaojen is. De veurbereijinge van 't OLS höbbe väöl tied en inspanning nuuedig en nao 1 junie is te min tied veur det allemaol tegooj te kriege: zowaal veure organizaasje es veure deilnummers. Wiejer is onnanneet bekandj of 1 junie d'n echten injdatum is veure getrochte maotregele.
Ieëre waas de läöting veuren optoch die geplendj stóng veur 13 mieërt geinen doorgank zów vinje.
Saeren aanvank van 't evenemènt in 1876 is 't meh twieë kieër veurgevalle det d'n Aje Limbörg neet kós doorgaon; det waas door 't oetbraeke vannen Ieësten ennen Twieëdje Werreldkrieg in 1914 en 1940.
Ouch de bóndjsfieëster en 't lokaal keuningsvogelsjete véúr 1 junie zeen aafgesjaf. E deil sjötterieje höbben alle sjöttersfieëster veure res van 't sezoen 2020 al aafgesjaf.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.