Corona in Limburg: rilletief gezeen de meiste sjtörfgevalle
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
Inne pervincie Limburg zien de aafgeloupe week rilletief gezeen de meiste luuj aan de gevolge van 't coronavirus gesjtorve.
Det bliek oet cijfers van 't RIVM en de GGD's.
Rilletief gezeen de meiste gehiemelde
In totaal woorte 92 sjtörfgevalle gemèld. Det kump naer op 8,24 gehiemelde per 100.000 inwoeners. Zielandj (6,48 sjtörfgevalle per 100.000) en Euveriessel (5,68 per 100.000) volgde. Opvallend is 't hoeg aantal sjtörfgevalle in Haelder (21), Zitterd-Gelaen (14) en Mesjtreech (11).
In totaal haet 't coronavirus noe minstes 1.151 Limburgers 't laeve gekos.
Väöl besjmettinge
Ouch wat 't aantal nuuj besjmettinge betröf is Limburg zjwaor getróffe. De aafgeloupe zeve daag woorte 3.842 Limburgers positief getes op covid-19. Det is waal 'n daling ten opzichte van de week daoveur, wie 4.152 coronabesjmettinge gemèld woorte, meh óndanks dees daling is de pervincie mit 343,01 besjmettinge per 100.000 inwoeners rilletief gezeen de op ein nao hels getróffe pervincie van 't landj. In Euveriessel greep 't virus mit 367, 91 besjmettinge per 100.000 nog heller óm zich haer.
Rilletief gezeen zeen in Haelder de meiste luuj besjmet geraak. Mit 310,14 besjmettinge per 100.000 inwoeners luuet de sjtad inne Oestelike Miensjtreek Zitterd-Gelaen (252,10 besjmettinge per 100.000 inwoeners) en Mesjtreech (173,58 besjmettinge per 100.000 inwoeners) wied achter zich.
In totaal zeen bis noe zeker 54.180 Limburgers positief getes op corona.
Krankehoesopnames
De aafgeloupe week zeen 36 coronapatiënte opgenaome (gewees) in 't krankehoes. In totaal zeen noe zeker 2.019 pervinciegenote mit coronagerelateerde klachte opgenaome (gewaes) in 't krankehoes.
Landelike ciefers
't Aantal nuuj coronagevalle is de aafgeloupe week landelik gezeen get gedaald. Inne lètste zeve daag zeen 49.398 mèldinge van positief tests doorgegaeve aan 't RIVM. De week daoveur woorte 56.440 gevalle gemèld.
Coronamaotregele
Premier Rutte en coronaminister Hugo de Jonge gaeve dinsdigaovend 'n perskonferensie. Me verwach det dan 'n verlenging vanne helle lockdown zal weure aangekóndig.
Brónne[bewirk | brón bewèrke]
- Corona in Limburg: relatief gezien de meeste doden. Job Tiems - 1limburg, 12 jannewarie 2021
- De lètste ciefers van 't RIVM, dashboard weurt ederen daag biegewèrk
Dit artikel besleit aad nuujs en maak deil oet van oos arsjief van nuujsberichte.