Corendon zitj twieëdje vleger deneer in Mestreech

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 6 fibberwarie 2018 - Sjaartermaotsjappie Corendon zitj kómmendje zomer twieë vlegers deneer op Mestreech-Aoke Airport inplaats eine.

De twieëdje vleger is nuuedig ómdet de maotsjappie vanoet Mestreech op väöl mieë bestumminge geit vlegen es ieës woort aangekunjig. Noe staon inne zomermaondj julie en augustus achtieën bestummingen oppe plenning; det is good veur 29 vlöchte de waek. Det de vleger op Mestreech wuuertj deneergezatj mèntj det dao al 't klein óngerhaadswerk wuuertj gedaon veure vleger weer vleegklaor te make.

Corendon maak gebroek vanne Limbörgse lóchhaven ómdet 't in Sjiphol gein ruumdje mieër haet veur oet te breie. Vekansjevlöchte vanaaf Mestreech zeen aldusse maotsjappie hieël völkelik, ónger anger door 't gratis parkere, snel insjekken enne korte wachrieje.