Congreslid Thad McCotter deit neet mier mit veur presidentsverkezinge

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


vriedig, september 23, 2011


McCotter speeltj gitaar bie zien presidentiële aankóndiging in Juli.
McCotter sprèk bie de Ames Straw Poll in augustus.

Congreslid Thaddeus McCotter oet Michigan haet The Detroit News gister gezag det t'r zien campagne veur de Republikeinse presidentskandidaat ópzaet. Hae vónj ziene steun bie de ex-goeverneur van Massachusetts, Mitt Romney.

McCotter, dae 't èlfdje distrik van Michigan saer 2003 vertaengeweurdig, haet zien kandidaatsjap vreug in juli bekindj gemaak. Hae had, nao 't sjientj, $18,000 campagnegèldj gekrege bie de Ames Straw Poll in augustus, meh kreeg slechs 35 stumme en koom daomit óp de lèste plaats.

Mit zien campagne wös t'r weinig lós te kriege bie de GOP'ers. Hae waas oetgeslaote van alle GOP-presidentsdebatte, e feit det t'r benaodrökdje wen d'r zie campagnelót es "doead dórch de media" bestempeldje. Nao det pöntj toewèrkendje, zag t'r "es ze mich oet de debatte blieve haje, den zits se neet bie de gesprèkken en 't haet geine zin óm mit te doon."

McCotter besloot óm Romney veur president te sjörme, ómdet t'r geluifdje det dae de "verkeesbaarste" GOP-kandidaat waar, vanwaege ziene zakeachtergróndj. Óndanks det t'r zich de hujige frontrunner veultk, "zów Rick Perry, goeverneur van Texas, waal 'ne goje vice-president zeen". Hae dink det 't landj nag neet klaor is veur 'ne twieëdje Texas-goeverneur dae president wuuertj, nao George W. Bush.

Bill Ballenger van Inside Michigan Politics chapeaudje veur McCotter zien beslissing en zag det "hae d'r nieks aan had óm president te waere. Es t'r 'n politieke toekóms wól höbbe, waar achter Mitt Romney staon noe 't slömste óm te doon."

Ziene naober, veurmaolige attorneyginneraal van Michigan, Mike Cox, veugdje toe det "hae 't oetperbeerdje en 't euverdudelik neet wèrkdje. Noe deit t'r get verstenjeliks door d'r mit oet te sjeie."

McCotter is noe van plan óm zien möjdje te herrichte óp zien hèrverkezingscampagne veur 't congres. Hae zal wersjienlik 'n veurste oetdaging kriege van de staatsenator Mike Kowall.

Brónne[bewirk | brón bewèrke]





Dit artikel besleit aad nuujs.