Colombiane gearresteerd noa sjeetpartei i Lankgraaf
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
LANKGRAAF - De pliese hat twieë Colombiaanse mansluuh va 48 en 51 aod gearresteerd noa de sjeetpartei i Grunsjtroat i Lankgraaf van aafgelope goonsdigoavend. Óch d'r 40-jöarige bewoeëner van 't pand oeë is gesjote, is aangehaote.
Dat bevestige versjillende brónne teëgenuuever L1.
Óp goonsdigoavend rónk 20:45 oer klonke mieëder sjuuet i g'n Grunsjtroat. 't Is nog ummer de vroag weë die sjuuet hat gelos. 't Liekent t'róp dat d'r trekker vuur de deur van 'n woeëning woeëd uuvergehold. Doa zint mieëder kogelhulze gevónge gewoare.
In de nach va goonsdig óp dónderdig zint veer mansluuh aangehaote i g'n Grunsjtroat. Neëve d'r egeneër van de woeëning en de bei Colombiane woeëd óch 'n vrouw gearresteerd. Zie zouw familie zieë van inne van de Colombianisje verdachte.
De pliese hat dónderdig oetgebreid óngerzeuk gedoa in 't hoes én de bergplaatsj en graasjbókse die achter 't pand sjtónt. Tiedes dat óngerzeuk woeëd zieëker inne granaat gevónge. De EOD woeëd ingezat vuur 't vuurwerp wiejer te óngerzeuke. Volges Sandra Carli, advocate van d'r pandegeneër, geet 't um 'ne aode, ónkloar gemaakde hankgranaat.
Uuever de arrestatie en d'r ihoud van de zaak wilt Carli nieks zage. "Ich han nog gee sjtukke gezieë, dus ich kan óch nieks zage. Uuever deë granaat kan ich alling zage dat cliënt 'ne verzameleër is. Heë hat mieë van dat soat matterjaal. Dat hant v'r óch gemeld. Doa weëd dan e hieël dink gemaakt dat de EOD kunt, mar 't veel dus waal mit."
Wat de Colombiane i Lankgraaf doge en wat hun connectie mit d'r egeneër van 't pand is, kan hun advocaat Raimon Maessen neet zage. "Zie zitte vas in alle beperkinge. Ich maag en wil doarum nieks zage uuever dees zaak." Advocate Amira Lotfy guuef um diezelfde reë gee commentaar.
Brónne[bewirk | brón bewèrke]
- Colombianen gearresteerd na schietpartij in Landgraaf. Bas Dingemanse - 1limburg, d'r 25e meëts 2022
Dit artikel besleit aad nuujs en maak deil oet van oos arsjief van nuujsberichte.