Code roead veur Limbörg vanoet Duutsjlandj en Belsj
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 8 oktoeaber 2020 - Zowaal Duutsjlandj es Belsj höbbe Nederlandjs-Limbörg oetgerope toet e risicogebied nao de nuuj oetbraak van 't coronavirus. Vanoet Belsj wuuert reize nao Limbörg vanaaf vriemiddig aafgeraoje; vanoet Duutsjlandj geldj dit al sieër goonsdigtenaovendj 19:00 oere.
Veur Belsj geldj wiejer det reizendje die langer es twieë vol daag wille blieven e formeleer mótten invölle; es me risicokóntak gadj haet mót m'n ieës in Belsj in zelfkarrentaer en nao vief daag verplich 'n Belzje proof aafnumme. Veur kort bezeuk, wie 'n zakereis, 'n begraefenis, veur te tenken of te winkele kan me waal nag zoea Belsj in. Ómgedrejdj mótte Belzje die langer es twieë daag in Limbörg zeen gewaes ouch 'n proof doon en in karrentaer gaon.
Veur Duutsjlandj geldj det es me dao opaan wiltj m'n ieës 'n negatieve coronaproof mót tuine die neet ieëren es 48 oere trögk aafgenómmen is. Dit rizzeltaot mót samekómme mit e doktersattes in 't Duutsj of 't Ingelsj. Es me dees proof neet haet mót me bie aankóms zich preventief laote teste, worop me veur veertieën daag in zelfkarrentaen mót gaon; es de proof negatief is wuuert dees karrentaer opgehöf. Dees maotregele gelje neet veur doorreizendje veur 'n anger landj. Grensbeweuners in Naordrien-Wèsfale moge waal ónger bestumdje veurwaerd kort de päöl euver veur te tenken of te winkele.
Brónne
[bewirk | brón bewèrke]- Belgen geven negatief reisadvies voor Limburg. Frits van Otterdijk - 1limburg, 7 oktoeaber 2020
- Duitsers doen Limburg ook in de ban vanwege corona. Frits van Otterdijk - 1limburg, 7 oktoeaber 2020
Dit artikel besleit aad nuujs en maak deil oet van oos arsjief van nuujsberichte.