Chemelot haet veur jaore lang lachgaas oetgestoeate
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 22 mei 2019 - Oet 'n óngerzeuk vanne NRC bliek det e febrik op 't terrein van Chemelot, ieërhaer DSM, in Gelaen veur jaore lang lachgaas in industriële vorm haet oetgestoeate. 't Bedrief zelf haet dit bestaetig. In al daen tied haet me dit noeatj gemaeten of ingegrepe dezen oetstoeat te vermindere. Me óntdèkdje veur twieë jaor trögk det dezen oetstoeat plaatshaw. Daorop malj me dit bieje pervinsje, meh die höbbe dao wiejer neet op ageerdj.
't Waas al veur 't óngerzeuk bekandj det 't twieë febrikke haw op 't sjemieterrein die 't gaas dieëjen oetstoeate. In Nederlandj zeen dees twieë de grótste industrieel brón van lachgaas. Noe is ouch gebleke det 't e derdje febrik guuef. Bie dit febrik is d'n oetstoeat dergelik det de gansen oetstoeat biejein ruum haaf zoea hoog oetviltj es al bekandj waas.
Chemelot duit mitten oetstoeat nieks det taenge de wèt ingeit. 't Guuef gein regele veuren oetstoeat van lachgaas te bepirke; ouch op financieel vlaak haet 't geine gróndj get d'raan te doon. Tródsdet wiltj Chemelot get d'raan gaon doon, went de klimaatperblematiek is 'nen aktuele zaak waat väöl mitwaog inne samelaeving. Lachgaas is namelik 'ne stóf waat hieël kreftig kan biedragen ane klimaatopwurming; zoea is 't 265 kieër zoea sterk es 't roemröchte CO2. Bieje óntdèkking van 't derdje febrik haet me zelfs d'n oetstoeat van breujkasgaas in Nederlandj mit trögkwirkendje kraf nao baove mótte biestèlle vanaaf 1990.
't Bedrief haet laote weiten 't ganse terrein miljeuvruntjeliker te wille make. Zoea kan d'n oetstoeat waere verminderdj mit 85% wen me katalysators inzètj. De köste van dees ganse óngernumming zówwe zoea 90 toet 120 miljoen euro gaon bedrage.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.