Canada en Denemarke beëindige nao 50 jaor de Whiskey-krieg mit 'n flesj sjnaps
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
,_Commanding_Officer,_Cdr._s.g._Per_Starklint_hoisted_the_Danish_Flag_on_Hans_Island_(8049N-06627W),_Greenland.jpg)
- Dit artikel is gesjreve in 't AGL.
Denemarke en Canada höbbe nao 50 jaor e conflik euver 't Hanseilandj beëindig. 't Ónbewoend eilendje van nog geine 1,3 veerkante killemaeter groet ligk inne Noordelike Ieszie, tösje Greunlandj, wat bie 't Keuninkriek Denemarke huurt, en Ellesmere, e Canadees eilandj. 't Conflik óntsjtóng in 1973 wie e verdraag woort gesjlote euver de percieze ligking vanne ziegrens tösje die twie eilenj. Hanseilandj, wat óngevier hauverwege Greunlandj en Ellesmere ligk, woort aevel neet opgenome in dat grensakkoord. Hanseilandj haet gein begreujing en veur zoewied bekindj gein gróndjsjtoffe. Die gif 't aevel waal in 't gebeed dao-umhaer.
In 1984 plantde d'n Deense minister veur Greunlandjzake 'n vaan midden op 't eilandj, woebie hae 'n flesj sjnaps begroof. Det leide toet e ludiek ritueel woebie Dene en Canadeze noe en dan 't eilandj bezeukde veur de vaan van hön moderlandj te plante en die van de anger natie te verwiedere. Döks leet me daobie 'n flesj whisky of Deense sjnaps (dinkelik aquavit) achter, woedoor 't conflik d'n bienaam Whiskey-krieg kreeg.
Bei lenj besjlote in 2005 det e inj mós kómme aan dit conflik. Op 14 juni 2022 woort e akkoord geslote en me is euvereingekómme 't eilandj op te sjplietse in twie deile. Daodoor deile Denemarke en Canada ouch 'n landsgrens mitein. Veur bei lenj is 't nuuj akkoord van groet belank, want hiemit wille ze aantuine det me e territoriaal conflik ouch via d'n diplomatieke waeg kint oplosse.
Nao 't óngerteikene van 't akkoord wisselde de Deense en Canadese minister van Boetelandse Zake 'n flesj sjnaps oet.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.