Busstaasje Remunj verplaats veur rinnevering

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 4 mei 2020 - De kómmendje maondje mótte de luuj bie treinsstaasje in Remunj op 'n anger plaats d'n euversteeg nao de bus make. Dit kump doordet de busstaasje rinneveerd wuuert. De busse stoppe vanaaf goonsdig ane Vieëlajingstraot, ane zuudkantj vanne treinsstaasje.

Mitte verplaatsing nao die plaats mót me zich e deil menuut daobie tèlle tösse de bus- enne treinopsteegplaatse. De deensregelinge van zowaal de bus es de trein waeren hie neet op aangepas, dus luuj mit 'ne krappen euversteeg mótte dao raekening mit haje die zie häör aansloeting gaon misse.

Dees tiejelike verangeringe zeen nuuedzakelik veur 't werkes oet te kónne veure. De nuuj busstaasje krieg namelik 'n grótter wachruumdje, mer ouch mieë ruumdje veur mitte busse zelf te kónne manoevrere. De ómgaeving krieg gruuen en doerzaam verleechting, dewiel ouch de toegenkelikheid vanne perrons veure luuj mit 'n bepirking wuuert verbaeterdj.

Me geit daovan oet det de nuuj staasje oppen inj van augustus klaorkump.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.