Brandj in Remunjs appartemènt door sigarètje

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


(lagerfoto)

MOFERT - 28 augustus 2019 - Stinsdigs saoves is róndj 18:15 oere 'ne kleine brandj óntstangen in 'n appartemèntekómpleks ane Beethovenstraot in Remunj. Róndj daen tied wól de beweuner van 't betroffen hoes oppe zevendje etaasj zie sigarètjen ewegsmieten innen assebak, mer hae haw neet zoea good gemik, wodoor de branjendje sigarèt belandjen in 'ne kleierbak.

Wie de beweuner efkes later trögk de kamer inkoom, zoog t'r det brandj waas óntstangen inne bak, worop t'r de brandjwaer insjakeldje. Oet veurzörg sjäöldje die op nao 'ne middebrandj, meh wie zie dao aankome bleek det det neet nuuedig woor.

Binne tieën menuut kóste brandjwaermen 't vuur oetkriegen en 't brandjmeistersein aafgaeve. Hierop höbbe zie de weuning doorgeloef mit groeate wejjers.

Bieje brandj zeen gein luuj verlets gewore. 't Is ónbekandj of de beweuner diznach in zien eige hoes kós slaope.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.