Brandj Mienwaeg zoea good es oet

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 21 april 2020 - 't Brandjmeistersteiken is nanneet gegaeve veure Mienwaeg, me de brandjwaer maak waal waar det de brandj praktisch oet is, al zal 't naoblösse nag e deil oere doere. Naeve brandjwaermen oet Nederlandj, waas ouch hulp vanoet Pruses dao.

Tróds de roukóntwikkeling dae e deil minder geworen is, raodj me de luuj in Hirkebós en ómgaeving waal nag binne te blieven enne ventilaasje oet te zètte. Smaondis saoves woorte de kamping 't Elfemaer enne menaesj Vinhaof in Hirkebós al óntruump oet veurzörg. Ouch höbbe de pliesse de toegangswaeg nao de Mienwaeg aafgezatj en höbbe zie ramptoeristen gewaerdj.

Op las vanne Pruse brandjwaer kome smaondis laat oppen aovendj nag e duchtig deil aan hulptroeppe nao de Mienwaeg in Hirkebós veur te helpe bie 't blösse. De netuurbrandj waas je al hieël groeat gewore. Dae gansen daag haet de Pruse brandjwaer denouch gehólpe.

De brandj waas smaondis róndj 13:00 oere oetgebraoken in 't deil vanne bós wo de pajer aangelag en van stein zeen. De brandjwaer mèndje róndj 18:00 de brandj ónger kóntraol te höbbe, meh róndj 19:30 oere kwaam 't vuur oppernuuj op es vleegvuur.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.