Boer is kwaod: euverheid lègk milkvieëhajerie stil
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 17 fibberwarie 2018 - Milkvieëheljer Henk Ingele oet Mael is kwaod oppe euverheid. Hae vindj det zie bedrief ónterech is blokkeerdj: gein koe maag mieër in of oet. Zie bedrief is op slaot gezatj waengen 'n fout inne administraasje.
Ruum 2100 milkvieëhajerieje zeen door 't Ministerie van Landjboew blokkeerdj op verdinking van fraude. Ouch die van Ingele wuuertj betich van gesjoemmel. "Det is absoluut neet waort. 't Administraasjestèlsel wirkdje neet en daoveur woort ich drek besjöljig", foettertj Ingele.
De boere zówwen aldus 't ministerie rómmele mit 't aantaal aan registreerdje kelver de koe. Op dees meneer kan 'ne boer mieë milkkuuj hajen es is toegestange.
't Bedrief van Ingelen is saer 'n waek blokkeerdj. 't Geit bie dem óm ei kaaf det doead woort gebaore. De meljing daovan woort door 'n stuuering in 't computerstèlsel neet good doorgegaove. De vieëheljer is veróntwaerdig det neet ieës is gevraog of t'r kós tuuene wie 't zaat. "Ze neumen 't drek fraude, dewiel ich al de stökker en 'n vieëarsverklaoring kós tuuene. Zoea verstaon ich waal wie ze aan 2100 frauderendje bedriever kómme."
Mit 'n petiesje eisje de boere det de bedriever die ónterech zeen blokkeerdj waere vriegegaove. Ouch mót dudelikheid kómmen euver 't aantaal aan daodwirkelik frauderendje bedriever en mót 't imago vanne milkvieëheljers waere herstaldj.