Binnekantj treinsstèl naogeboewdj veur verkinsjdje luuj in röshoes

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 10 augustus 2020 - In 't röshoes d'n Horsgraaf in Vinlo haet me get nuuts vónje veur luuj die 'nt verkinsje zeen te stimulere. Zoea haet m'n oppe aafdeiling dao e gans ingerich treinsstèl ane binnekantj naogeboewdj. 't Röshoes wuuert bewóndj door luuj mit dementie in e wiedgevörderd stadium; dök is 't gedraag van zón luuj lestig te verstaon.

In 't treinsstèl kónne luuj 'n richtige spaorreis ervare. Me wiltj dit zoea ech meugelik make door 'n groeate foto vanne staasje van Vinlo te tuinen enne klank vanne staasje te laote huuere. Wen de bewoonders zich gaon zitte liek 't ofwen d'n trein geit vare; de luuj kónne dan ouch zeen waat zich langs de spaorlien aafspeeltj. Veur luuj die get ónrös höbben is dit 'n gooj leuzing; wen die zich innen trein gaon zitte kriege die meis hieël väöl rös.

't Treinsstèl is opgeboewdj mit steul en anger matterjalen oet echte treins veur zoea de belaeving hieël realistisch te make. Dees matterjalen en veurwerpen haet m'n aangevraog bieje Nederlandjse Spaorwaeg; die höbbe det veur nieks geleverd. De boewluuj van 't röshoes höbbe det toe inein gezatj.

Brónne[bewirk | brón bewèrke]



Dit artikel besleit aad nuujs.