Bieës waat de meiste sjaaj bringk ane landjboew is d'n das

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


'nen Das.

MOFERT - 2 julie 2020 - In 2019 waas veur ruum e kwaart miljoen euro aan sjaaj in Limbörg veroearzaak doren das. Hiemit steit t'r oppe ieëste plaats waat betruf bieëstersjaaj bieje landjboew. Det d'n das op plaats ein steit is 'n oetzunjering; in al de anger pervinsjes in Nederlandj staon geizen op dees plaats. Lenjelik gezeen steit d'n das nag waal oppe achste plaats, mit 'n sjaaj van ómme gans 387.000 euro. Van dit volstenjig bedraag is dus zoea twieë oppe drie sjaaj oet Limbörg.

Boete d'n das guuef 't nag e deil anger bieëster die väöl sjaaj höbbe veroearzaak in Limbörg. Det zeen namelik wilj verke (163.000 euro), graw geize (81.000 euro), meize (28.000 euro) en baevers (25.000). Gans biejein kwaam de sjaaj inne pervinsjen oet op 637.000 euro, waat väöl minder is es inne naordelike pervinsje. Det kump mit naam doordet in pervinsje wie Naord-Hollandj en Frieslandj allein al veur miljoenen aan sjaaj is door 't euvermaesig veurkómme van wilj geize. Zoea mós in gans Nederlandj veur 25 miljoen euro aan sjaaj waere vergeudj.

De sjaajvergeujinge waeren oetgekieërdj op pervinsjaal huuegdje. Dees waeren oetgekieërdj aan boeren en landjeigenieërs die de vergeujing aan kónne vraoge wen e bieës det wèttelik besjurmp is gewasse verneeltj of sjaaj bringk aan e stök landj. Wie hoeag de vergeujing próntj is versjiltj de jaor en hingk ónger anger aaf van wie lang 'n bestumdje bieëstersaort örges verblief, mer ouch vanne pries van 't verboedje gewas.

Brónne[bewirk | brón bewèrke]



Dit artikel besleit aad nuujs.