Biden erkènt Armeense Genocide
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
Joe Biden is d'n iersten Amerikaanse presidentj dae officieel de Armeense genocide erkènt. In 'n verklaring die zaoterdig woort versjpreid door 't Witte Hoes herdènk hae de sjlachoffers vanne genocide die begós op 24 april 1915.
De Ottomaanse autoriteite deporteerde en maakde óngevier 1,5 miljoen Armene doed inne jaore nao 1915. 't Officieel erkènne es genocide ligk nog ummer erg geveulig in Törkieje; 't landj óntkènt det sjpraoke waor van gerichte volkermaord.
Biden zinne veurgangers gónge 't erkènne vanne genocide dan ouch oete waeg, óm Ankara neet giftig te make. D'n hujigen Amerikaanse presidentj zag tiedes zien verkezingscampagne veurig jaor aevel al det hae einmaol in 't Witte Hoes van plan waor de volkermaord bie naam te neume.
Premier Nikol Pashinyan van Armenië is blie mitte erkènning van Biden. Hae nump 't "'ne kreftige sjtap’ dae ‘'t belank van minserechte en waarde in internationaal betrèkkinge" bevestig. "Vanoet dit ougpunt is 't e inspirerend veurbeeld veur edereine dae aan 'n rechvaerdige en tolerante internationaal samelaeving wilt bouwe", aldusse Pashinyan.
D'n Törkse minister van Boetelandse Zake Mevlüt Cavusoglu wies de erkènning völlig vanne handj. "Nemes hoof ós get euver ós eige verleje te vertèlle. Dees ganse verklaoring is populisme en óngermient de bandj tösse de lenj."
't Ministerie zaet in 'n verklaoring det Biden gein juridische basis haet veur dees oetsjpraok. 'ne Waordveurder van presidentj Recep Tayyip Erdogan zaet det de VS nao 't eige verleje mótte kieke.
Inmiddels is d'n Amerikaansen ambassadeur in Törkieje ter verantwaording gerope. D'n Törksen óngerminister van Boetelandse Zake Sedat Önal haet David Satterfield "inne meis kreftige bewaordinge" gezag det de verklaoring gein rechsgróndsjlag haet en det ze 'n ‘meujlik te hersjtèlle wóndj inne betrèkkinge’ haet veroerzaak.
D'n Armeense premier Nikol Pasjinian nump de erkènning 'ne "kreftige sjtap richting rechvaerdigheid en 'n sjterke sjteun veure naokómmelinge vanne sjlachoffers”. Pasjinian zaet blie te zeen mitte erkènning vanne volkermaord, ouch gezeen de recènte ónrös tösse Armenië en Azerbeidzjan.
Biden zaet det hae nemes wilt besjöldige, mer det hae mitte erkènning vanne genocide wilt veurkómme det 't nog 'ne kier gebeurt. "Laote veer ós veurneme veur dit saort wreedhede te veurkómme vernuje en laote veer verzeuning en vergiffenis naosjtreve."
'nen Amerikaansen official zag, naodet de verklaoring woort gepubliceerd, det Biden nog sjteeds nauw wilt blieve samewèrke mit Törkieje, det 'ne NAVO-bóndjgenaot is. Veure sjaaj bepèrk te haje, sjprook Biden vriedig mit zien Törkse collega Recep Erdogan. In juni sjpraeke ze einanger tiedes de NAVO-top. Törkieje haet gein diplomatieke maotregele aangekónjig, wat 't ierder waal deeg wienie lenj de Armeense Genocide erkènde.
In 1981 neumde toenmalig presidentj Ronald Reagan 't ouch 'n genocide, mer det is noets in 'n officiel verklaoring nao boete gebrach gewaore. Saerdeen vermeje alle presidente 't waord.'
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.