Biden door Amerikaanse media oetgerope tot 'president-elect' VS

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


De veurluipige oetsjlaeg vanne Amerikaanse presidentjsverkezinge 2020
Dit artikel sjteit gesjreve in 't AGL.

AP en de groete Amerikaanse nuujszenders rope d'n democratische presidentjskandiaat Joe Biden oet tot de 46e presidentj vanne Vereinigde Sjtaote. Zinne republikeinsen taegehenger Donald Trump, de verlezer vanne verkezinge, kónjig aan dat hae de oetsjlaeg juridisch blief aanvechte.

De verkezinge woorte gehaje op 3 november 2020. 't Waor aevel neet direk dudelik wae de winnaar vanne verkezinge waor en det haet ónger anger te make mit 't feit det väöl luuj vanwaege de coronacrisis häör sjtum per pos oetbrachte en dees sjtumme döks nog nao d'n verkezingsdaag kóste arrivere of getèld móste weure.

De wiechtigste kwesties waore de coronapandemie, die op 't moment vanne sjtumbösgank al mie es 230.000 Amerikane 't laeve haet gekos. Boetedet sjtónge ouch thema's wie de ikkenomie centraal, en daonaeve de proteste nao d'n doed van George Floyd, de beneuming van Amy Coney Barett, klimaatverangering, 't tröktrèkke vanne VS oet 't Akkoord van Paries en de aafsjaffing van Obamacare.

Nao verwachting lègk Biden op 20 jannewarie 2021 d'n eid aaf es 46e presidentj vanne Vereinigde Sjtaote, mit Kamela Harris es de ierste vrouwelike vicepresidentj. Mit zinne laeftied van 78 jaor weurt Biden de audste presidentj vanne VS allertieje.


Brónne[bewirk | brón bewèrke]

Dit artikel is gedeiltelik gegrundj op dan euvergezat vanoete taegehenger oppe Nederlandjse Wikinuujs (versielink).
Aanvullinge kómme oet 't Nederlandstalige artikel euvere Amerikaanse presidentjsverkezinge 2020.

't Oersjprónkelike berich van AP:Biden defeats Trump for White House, says ‘time to heal’. Jonathan Lemire, Zeke Miller & Will Weissert, AP News - 7 november 2020



Dit artikel besleit aad nuujs en maak deil oet van oos arsjief van nuujsberichte.