Beweuners Hieëringsbósj kwaod euver oetblieven internetkabel

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 27 september 2018 - De beweuners vanne straot Hieëringsbósj in Sjilvendj zeen kwaod det tróds al de vergónningen en subsiedjes gein internet vanoet Duutsjlandj kump. d'n Initiatiefnummer Bram Doorakkers wirk mitte gemèndje same. Veur twieë jaor zeen ze besjeftig mit 't meugelik make van 'n internetverbinjing veure straot. Oppe straot ligken achtieën hoeshajes, wovan väöl jóng gezinne die 'n eige bedrief aan hoes höbbe. Noe mótte die 't internet nag dore satteliet oet Duutsjlandj kriege, wille zie snelder internet höbbe. Dees verbinjing is aevel ouch antiegelik traog en is saerkort aafgeslaote gewaore.

De internetverbinjing wuuertj taengegehaje door 't ministerie van Veiligheid en Zjustiesje. Wen de lien dae kump e Duutsj bezit is, kan me namelik de lien neet aaftappe sóngerdet me 'n vergónning mót aanvraogen in Duutsjlandj. In alle feitelik haet 't ministerie wèttelik gezeen neet de beveugheid d'n aanlag taenge te haje, went dao steit nieks euver inne wètgaeving. Moog 't aaftappe toch e braekpuntj zeen, kan me aevezieër 'ne lien trèkke nao Broenssem, mer ouch det beurtj neet, went de köste waere te hoeag.

Opvallendj is det de straot waal broek kan make van 't Duutsj rioeal en 't leech. 'ne Kabel veur internet kan aldus Doorakkers neet waere getróch, ouchal is edereine dao baeterkoup mit oet. De meiste luuj oppe straot broeke nag internet euveren tillefoeanlien. Dees verbinjing haet 1MB snelheid.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.