Belsj fotomodel kwaod euver vergelieking mit Jos Brech
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 14 september 2018 - E fotomodel geeit juridische stege numme taenge media die 'm höbbe vergeleke mit Jos Brech, de verdachdje van betróchheid biejen doead van Nicky Verstappen.
De Belsj mitte naam Frank zaet dore vergelieking imagosjaaj te höbben opgeloupen en vindj det zie portrètrech is gesjónje gewaore.
'nen Twitterieër vergeleek 'n foto vanne manskaerel in 'ne folder vanne kleierkitting Jac Hensen mitte foto die van Jos Brech is versprèdj gewaore. 't Houfkentoear vanne kitting ligk in Maersje. d'n Tweet woort opgepik door inkel groeate media en ouch Jac Hensen reageerdje op Twitter.
Aldus 'ne waordveurder van 't model haet hae d'n advekaot ingesjakeldj en is 't zekert det 'n juridische proceduur völg, zowaal taenge d'n oearsprunkeliken twitterieër es taenge de media die de foto höbbe versprèdj. "Dit blief ummer zichbaar op 't internet. Frank is in Belsj e toepmodel; dit werk is zien roping."
Oppe website van Jac Hensen, dae veurnamelik vestigingen haet in 't oeaste van Nederlandj, zeen nag foto's van Frank te vinje.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.