Bekans 8.200 nuuj coronagevalle, get mie es gemiddeld

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Dit artikel sjteit gesjreve in 't AGL.

Tösse dónderdigaovend en vriedigaovend zien 8.169 nuuj coronagevalle geregistreerd gewaore.

Det is minder es de ruum 9.700 positief tests die 't RIVM dónderdig had gemèld, mer ligk waal baove 't gemiddelde vanne aafgeloupe week, wie ederen daag ongevier 7.700 besjmettinge biekwame.

Inne aafgeloupe zeve daag zien get mie es 54.000 luuj positief getes, taegeneuver ruum 61.000 de week daoveur en bekans 80.000 de week ierder.

Amsterdam tèlde de aafgeloupe 24 oer opnuuj de meiste nuuj gevalle. Inne huidsjtad kwame 302 besjmettinge aan 't leech. Rotterdam registreerde 191 positief tests en in Den Haag krege 133 te hure det ze 't coronavirus höbbe opgeloupe. Wiejer kwame 122 besjmettinge bie in Almere en 117 in Tilburg. Daonao volgde Indjhaove (110), Enschede (105) en Utrech (98). Gein regio haet zoeväöl nuuj gevalle wie Twente (546) en de pervincie Utrech (526).

't Aantal sjtörfgevalle sjteeg mit 89, taegeneuver 85 op dónderdig. Det wil neet zègke det al die luuj in 24 oer tied zien gesjtorve. Wienie 'ne coronapatiënt hiemelt, doert 't soms e tiedje veur dit weurt verwèrk inne landelike gegaeves.

Saer 't begin vannen oetbraak in Nederland bekans e jaor geleje zien mie es 850.000 luuj positief getes. Ónger häör zien ruum 53.000 luuj oet Amsterdam, mie es 43.000 oet Rotterdam en bekans 30.000 luuj oet Den Haag. Indj jannewarie kèn die miljoenste Nederlander positief teste. 't Wirkelike aantal coronagevalle ligk dinkelik hoeger. Inne ierste golf woort neet edereine getes en inne twiede golf haet neet edereine mit klachte 'nen tesaafsjpraok gemaak.

Van mie es 12.000 luuj is bekèndj det ze aan de gevolge van 't virus zien euverleje. Rotterdam tèlt de meiste sjtörfgevalle (691).

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.