Beer is de bèstekoup in Roerdale mitte vastelaovendj
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 21 fibberwarie 2020 - De prieze veur e pilske loupe wied oeterein in Limbörg wen 't de vastelaovendj betröf. 't Duurste beer vindj me trögk inne binnestad van Vinlo, wo me mit 'ne betaalmuntj van €2,60 mót spendere; dewiel 't gemiddeldj in Roerdale mit €1,80 de bèstekoup is. 'ne Betaalmuntj is aevel neet uniek veur Vinlo; ummertoe mieë gemèndjes hantjere zónne muntj, womit m'n in alle aangeslaote kefees kan betale. Zoea is de pries dus euveral binne de gemèndje dezelvendjen en hove de luuj gei kóntant geldj mieë mit te numme.
In sómmige gemèndjes, wie Berge, raekentj me €2,60, mer haet 't waal kortingen es de prins achter 't buffèt steit of bie fieëster wie de sleuteleuverdrach. In Roerdalen is me wiedoet de bèstekoup aaf. De meiste plaatse hantjere de reguliere pries, waat zowiezoea betrèkkelik lieëg ligk in dörper wie Mofert.
Waat betröf de betaalmuntje, guuef 't óngersjied. Sómmige gemèndje höbbe muntje die 't ganse jaor door goodblieve, dewiel anger gemèndje speciaal vastelaovesmuntjes höbbe. De betaalmuntj vindj me trögk in gemèndje wie Ech-Zöstere, Vinraoj, Bezel, Wieërt en Haors-ane-Maas.
Al mit al ligk de pries in LImbörg nag lieëg, vergeleke mit anger pervinsjes. Allewel de priezen ummer stiege, zeen de Limbörgers baeterkoup aaf es in Braobantj. Zoea betaaltj m'n in Intjhaove zón €3 de pilske.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.