Bedrief Heite levert gei graas mieër aan WK Voetbal óm mienserechte

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 10 mieërt 2021 - Óm ethische raejene geit Hendriks Graaszäöj oet Heitse gei graas mieë leveren aan 't WK Voetbal in Qatar in 2022. Hiemit zeen zie 't ieëste bedrief waat det duit en braeke zie mit 'n jaorelang terdiesje. De raejen is de perbleme mitte mienserechte. Intösse zeen al zeker zèsenhalfdoezjendj wirkmen gestórve bie de boew van voetbalstadiën in det landj. Dees wirkmen gaon dao ane slaag in oetzunjerlik slechte ómstenjigheje; de FIFA griep neet in bie dees werkveurwaerd.

't Besloet van 't bedrief vèltj óm, went zie leveren al jaorelang hieël troew de graaszäöj op WK's en EK's, worónger bie 't WK in Pruses (2006), 't EK in Zwitserlandj (2008) en 't EK in Frankriek (2016). Inne begin wore zie ouch bie 't gebeuren in Qatar betroch. De oetnuuejing koom al in 2010 veur mit te organisere. Dao höbbe zie toe ouch raod gegaeve veur optimaal graas.

Dao in Qatar aangekómme begós me te twievele wie me zoog wie de stadië dao geboewdj woorte. E good deil vanne wirkmen haw gèn besjermendje kleier aan enne hajing vanoete organizaasje waas neet tegooj. 't Versjil in riekdóm tösse de inwoonders van Qatar en 't wirkvouk waas zichbaar. De eige luuj hawwe lang, witte gewajen aan enne wirkmen lepen in fóddele róndj. Wie de besjeidgaeving euvere slechte ómstenjighejen inne boew dao oetkomen en det ouch luuj doeadbleve daodoor, mit naam zoväöl, brach luuj aan 't sjrikke.

Boete de slechte wirkómstenjigheje mirkdje Hendriks Graaszäöj op det de kwaliteitsnaome väöl leger ligken es die van häör en van veurgäöndje jaore. Ieës wól m'n 't graas mitte vleger verveure nao Qatar, mer ómme hoeag köste wól 't bedrief oet Heitse det neet. Zie wóllen 't graas gaon kwieëke mit plaatselike óngernummers. Flot bleek det zie neet dezelvendje kwaliteit ambieerdje. Al bie al opgetèldj lèdje det toette trögktrèkking van 't Limbörgs bedrief.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.