Bao sèstig kilo aan ónwèttelik vuurwerk vónjen in Zitterder appartemènt
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 3 dieëtsember 2020 - In Zitterd haet m'n in e fletgeboew achenvieftig kilo aan ónwèttelik vuurwerk in beslaag genómme. De pliesse kome d'rachter det dao vuurwerk loog naodet ze ieëre twieë luuj opgepak hawwe die de waar ane straot 'nt verkoupe wore.
Naodet me die men opgepak haet is me gaon kieke bie häör weuningen in e fletgeboew ane Eisenhowerstraot. Dao vónj me dus 58 kilo aan illegaal vuurwerk. Dit al höbbe de pliessen in beslaag genómme, went 't sprik van zich det vuurwerk, zeker van dees gruuedje, hajen in e fletgeboew laevesgevieërlik is.
Dore coronacrisis haet me dit jaor e lenjelik verbód op vuurwerk ingestèldj. Tróds dit verbód haet m'n in 't ganse landj al tig doezjend kilo's aan vuurwerk in beslaag mótte numme. Daoboete zeen de luuj emas ane kerbied geslage, went det vèltj neet ónger dit verbód. De sjrump zitj d'rin det jóngere noe kerbied gaon sjete, dewiel det herstikke gevieërlik is. Hiedoor haet me regionaal kerbiedsjeten ouch verbaoje, wie in Zuud-Limbörg.
Brónne
[bewirk | brón bewèrke]- Bijna 60 kilo illegaal vuurwerk gevonden in Sittardse flat. Job Tiems - 1limburg, 3 dieëtsember 2020
Dit artikel besleit aad nuujs en maak deil oet van oos arsjief van nuujsberichte.