Bómbreefómploeffingen in mieëder plaatsen in Nederlandj
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 13 fibberwarie 2020 - Op twieë plaatsen in Nederlandj, in Amsterdam en in Kirkraoj, zeen sgoonsdigs smörges bómbreven ómploef. Bieje ómploeffinge zeen gein luuj verlets wore, meh de pliesse zègke det det waal hej gekónne.
De ieëste ómploeffing waas kort veur 8:00 oere in e lenjelik possorteercentrum vanne ABN Amro inne Amsterdammer wiek Sloterdiek. Aldusse pliesse huuerdje 'ne mitwirker van 't sorteercentrum 'ne sissendje klank dewiel d'r 'n envelop äöpendje, worop t'r de breef gaw ewegsmeet, waat woort gevolg door 'ne kleine paaf. 'n Halfoer later ómploefdje nag e pospakkèt in 'n vestiging van Ricoh ane Wiebachstraot in Kirkraoj.
De pliesse zègke det allebei de bómbreve zeen versjik gewore door 'nen aafperser, dae e bedraag eisjdje in bitcoins. De manskaerel zów ouch höbbe gedreig nammieë breve te versjikke.
Stónderdigs smörges woort oppernuuj 'ne bómbreef aangetróffe, den bie Unisys Payment Services & Solutions, e bedrief in Leusden. 't Pakkèt is ónsjajelik gemaak dore EOD. Óm middig ómploefdje 'ne bómbreef in Cedar, 't houfkentoear van ING in Amsterdam. Hiebie haet eine miens rouk ingeaomp.
De aafgeloupe maondje woorte bie versjillendje anger bedriever ol bómbreve gebrach, woraan toe 'ne plekker van 't Rotterdammer Centraal InvörderingsBero waas gezatj. Dit bedrief haw nieks mit die breve van doon.
Brónne
[bewirk | brón bewèrke]- Dit artikel is gooddeils gegrundj op dan euvergezatj vanoeten taengenhenger oppe Nederlandjse Wikinuujs (versielink).
- Bombrieven ontploft in Amsterdam en Kerkrade: 'Brief maakte een sissend geluid'. NOS Nieuws, 12 fibberwarie 2020
- Politie en brandweer na bombriefexplosie bij postsorteerbedrijf Kerkrade. NOS Nieuws, 12 fibberwarie 2020
- Motief achter bombrieven Amsterdam en Kerkrade is afpersing, bitcoins geëist. RTL Nieuws, 12 fibberwarie 2020
- Opnieuw bombrief aangetroffen, nu bij postsorteercentrum Amsterdam. Algemeen Dagblad, 10 jannewarie 2020
- NU OOK BOMBRIEF ONTPLOFT BIJ ING IN AMSTERDAM. BNR Nieuwsradio, 13 fibberwarie 2020
- Bombrieven ontploft in Amsterdam en Kerkrade: 'Brief maakte een sissend geluid'. NOS Nieuws, 13 fibberwarie 2020
- Verdacht pakket in Leusden was bombrief, explosief onklaar gemaakt. nu.nl, 13 fibberwarie 2020
Dit artikel besleit aad nuujs en maak deil oet van oos arsjief van nuujsberichte.